"Mediada xarici sözlərin yersiz işlədilməsi ədəbi dilin normalarını pozur və gənclərin dil mühitinə mənfi təsir edir".
Oxu.Az xəbər verir ki, bunu Prezident Administrasiyasının (PA) Qeyri-hökumət təşkilatları (QHT) ilə iş və kommunikasiya şöbəsinin Media ilə iş sektorunun müdiri Kamran Həsənov "Mediada Azərbaycan ədəbi dilinin normalarının düzgün tətbiqi" mövzusunda konfransda etdiyi çıxışda deyib.
O, Prezident İlham Əliyevin dilin saflığının qorunmasına dair həssas yanaşmasını vurğulayıb. Həsənov "Dövlət dili haqqında" Qanunun qəbulu və təhsil müəssisələrində aparılan işlər kimi ədəbi dilin qorunması istiqamətində atılan vacib addımları qeyd edib.
Lakin PA rəsmisi qloballaşma və texnoloji inkişafın Azərbaycan dilinin qarşısına yeni çağırışlar qoyduğunu bildirib.
Kamran Həsənov medianın və jurnalistlərin üzərinə yeni terminlərin gətirilməsində və dilin zənginliyinin qorunmasında böyük məsuliyyət düşdüyünü vurğulayıb.
Daha çox şəkil burada: Photostock.Az
Aqil Vəlili
