Lerik rayonunda baş verən yol-nəqliyyat hadisəsinin bəzi detalları məlum olub.
Oxu.Az-ın əldə etdiyi məlumata görə, hadisə bu gün saat 08:30-da Lerik-Lənkəran yolunun 37-ci kilometrliyində, Peştətük kəndi ərazisində baş verib.
Lerik rayon sakini Aslan Cəbiyev idarə etdiyi "Niva" markalı avtomobillə hərəkətdə olarkən idarəetməni itirib və maşın aşıb. Avtomobildə sürücü tək olub və yüngül bədən xəsarətləri alıb.
Lerik rayonunda yol-nəqliyyat hadisəsi baş verib.
Oxu.Az xəbər verir ki, bununla bağlı redaksiyanın qaynar xəttinə məlumat daxil olub.
Bildirilib ki, "Niva" markalı avtomobil idarəetmədən çıxaraq aşıb. Qəza nəticəsində nəqliyyat vasitəsinə ciddi ziyan dəyib və avtomobil yararsız hala düşüb.
Hadisənin hansı səbəbdən baş verdiyi, eləcə də qəza zamanı xəsarət alanların olub-olmaması hələlik məlum deyil.
Qəza ilə bağlı aidiyyəti üzrə sorğu verilib.
