Moskvada “Neolit” kafesində azərbaycanlılar və çeçenlər arasında baş vermiş insidentdən sonra, bu gün Rusiya paytaxtında hər iki tərəfin rəsmi şəxsləri arasında görüş olub.
Bu barədə Rusiyada yaşayan soydaşımız, Rusiya İnformasiya Təşəbbüsləri Mərkəzinin rəhbəri, jurnalist Fuad Abbasov məlumat yayıb.
Görüş Azərbaycanın Rusiyadakı səfiri Polad Bülbüloğlu və Çeçenistan prezidentinin köməkçisi Adam Delimhanovun rəhbərliyi ilə baş tutub.
Azərbaycanlı idmançı, Çeçenistanda da böyük nüfuza malik, dünya şöhrətli idmançımız Zabit Səmədov da iştirak edib.
Tərəflər məişət səviyyəsində yaşanmış bu insidentin Azərbaycan və Çeçenistan arasındakı dostluq münasibətlərinə xələl gətirməyəcəyini bildiriblər.
Moskvada Azərbaycan və çeçen rəsmilərinin görüşü keçirilib - FOTO/VİDEO
