Azərbaycan Həmkarlar İttifaqı Konfederasiyası (AHİK) özünü yandıran II qrup Qarabağ əlili Zaur Həsənovla bağlı qərar qəbul edib.
Oxu.Az APA-ya istinadən xəbər verir ki, Konfederasiyanın sədri, millət vəkili Səttar Mehbalıyev bildirib ki, qərara əsasən, Z.Həsənovun ailəsinə övladları yetkinlik yaşına çatana qədər AHİK tərəfindən hər ay 1500 manat vəsait ödəniləcək.
Bundan başqa, zərurət yaranacağı təqdirdə Z.Həsənovun xaricdə müalicəsini, ailə üzvlərinin işlə təminatını da konfederasiya öz üzərinə götürüb.
Z.Həsənovun müsadirə olunmuş mülkünə gəldikdə, S.Mehbalıyev bildirib ki, həmin işlə bağlı məhkəmə qərarı var:
“Biz məhkəmənin qərarına müdaxilə edə, onu dəyişdirə bilmərik”.
:640.jpg)
