"Bu yaxınlarda sosial şəbəkələrdə vətəndaş şikayət edirdi ki, plastik əməliyyatdan sonra SİMA-da üztanıma funksiyasından istifadə edə bilmir və problemin aradan qalxması üçün ona şəxsiyyət vəsiqəsinin dəyişdirilməli olduğu deyilib. Bu məlumat səhvdir və bunun üçün vəsiqəni dəyişdirməyə ehtiyac yoxdur".
Oxu.Az xəbər verir ki, bunu "AzInTelecom"un şöbə müdiri Tamerlan Məşədihəsənli qurum tərəfindən media nümayəndələri üçün təşkil edilən praktiki görüşdə deyib.
"Vətəndaşlar qeydiyyatdan keçdikdən sonra Çağrı Mərkəzinə müraciət edir, onların məlumatları Baş Təhlükəsizlik İdarəsinin əməkdaşları tərəfindən yoxlanılır. Əgər məlumatlarda hər hansı bir səhv aşkar edilərsə, vətəndaşlara Çağrı Mərkəzi vasitəsilə məlumat verilir və proses düzəliş edilərək davam etdirilir", - deyə çıxışçı vurğulayıb.
