Şamaxıda keçirilən "Müasir informasiya məkanı və dini etiqad azadlığı" mövzusunda konfransın ilk günü başa çatıb.
Oxu.Az-ın Şamaxıya ezam olunmuş əməkdaşı xəbər verir ki, konfrans Dini Qurumlarla İş üzrə Dövlət Komitəsi və Medianın İnkişafı Agentliyinin birgə təşkilatçılığı ilə baş tutub.
Tədbirdə müvafiq dövlət qurumlarının rəhbərliyi, mətbuat nümayəndələri, ilahiyyatçılar, din xadimləri və dini icma sədrləri iştirak ediblər.
Konfrans çərçivəsində "Din-media münasibətləri: yeni hədəf və çağırışlar" və "Dini etiqadın sərbəst ifadəsi və söz azadlığı" adlı iki panel sessiya keçirilib.
Tədbirin sonunda media qurumlarının rəhbərləri və jurnalistlər təltif ediliblər.
Sabah konfrans çərçivəsində media nümayəndələri üçün Şamaxıdakı dini ibadətgahlara mediatur təşkil olunacaq.
Qeyd edək ki, tədbirin media tərəfdaşları "Global Media Group" və şirkətə daxil olan Oxu.Az, Caliber.az, Media.az, Baku.ws və PhotoStock.az saytları, "Report" informasiya agentliyi və Baku TV telekanalıdır.
Şamaxı şəhərində Dini Qurumlarla İş üzrə Dövlət Komitəsi və Medianın İnkişafı Agentliyinin birgə təşkilatçılığı ilə "Müasir informasiya məkanı və dini etiqad azadlığı" mövzusunda konfrans keçirilir.
Oxu.Az-ın Şamaxıya ezam olunun əməkdaşı xəbər verir ki, tədbirdə müvafiq dövlət qurumlarının rəhbərliyi, mətbuat nümayəndələri, ilahiyyatçılar, din xadimləri və dini icma sədrləri iştirak edirlər.
Tədbirin ilkin mərhələsində ulu öndər Heydər Əliyevin Şamaxı şəhərində ucaldılmış abidəsi konfrans iştirakçıları tərəfindən ziyarət olunub.
Konfransda müasir informasiya mühitində dini etiqad azadlığının təmin olunması, bu sahədə mövcud qanunvericiliyin icrası, rəqəmsal medianın imkanlarından istifadə etməklə dini maarifləndirmə işinin səmərəliliyinin artırılması və ictimai şüurda sağlam dini düşüncənin formalaşdırılması mövzularında fikir mübadiləsi aparılır.
Qeyd edək ki, tədbirin media tərəfdaşları "Global Media Group" və şirkətə daxil olan Oxu.Az, Caliber.az, Media.az, Baku.ws və PhotoStock.az saytları, "Report" informasiya agentliyi və Baku TV telekanalıdır.
Daha çox foto burada: PhotoStock.az
Əzizə İsmayılova
