Abşeron rayonu, Xırdalan şəhərində yerləşən "Çinar" MTK yaşayış kompleksində artıq 11 gündür ki, işıq və su təchizatı kəsilib.
Bu barədə Oxu.Az-a sakinlər tərəfindən şikayət daxil olub.
Sakinlər bildiriblər ki, mənzillərdə yaşamaq, demək olar ki, mümkünsüz hala gəlib.
Xırdalandakı binada 11 günlük "qaranlığın" səbəbi AÇIQLANDI - VİDEO
"Çinar" MTK-dan Oxu.Az-ın sorğusuna cavab olaraq bildirilib ki, işıq problemi yeni həll olunub, suyun verilişini isə bərpa etmək üçün işlər aparılır:
"Binanın zirzəmisini su basdığı üçün bu vəziyyət yaranıb. Zirzəmidə 2 metr 20 santimetr su yığılmışdı. Nasoslarla suyu çıxardıq, amma tam bitməyib, hələ də binanın zirzəmisində su qalıb".
