ABŞ-də naməlum şəxslər hərbi anbardan üç "Humvee" avtomobilini oğurladılar

Naməlum şəxslər Kaliforniya ştatının Tustin şəhərində ABŞ ordusunun anbarına daxil olaraq üç "Humvee" və digər hərbi texnikanı oğurlayıblar.

Oxu.Az-ın xəbərinə görə, bu barədə yerli polis idarəsinin "Facebook" səhifəsində yerləşdirilən məlumatda deyilir.

Hüquq-mühafizə orqanlarından verilən məlumata görə, cinayəti törədən şəxslər üç avtomobildən əlavə səkkiz ədəd maşına quraşdırılmış pulemyot dayağı, tibbi avadanlıq, 40 cüt durbin, 18 süngü oğurlayıblar.