ABŞ Məxfi Xidməti Prezident Donald Trampın Florida ştatındakı Mar-a-Laqo iqamətgahına girməyə cəhd edən kişini saxlayıb.
Oxu.Az-ın xəbərinə görə, bu barədə "CBS" kanalı ABŞ Məxfi Xidmətinin nümayəndəsinə istinadən məlumat verib.
Məlumata görə, saxlanılan şəxs perimetr boyu quraşdırılmış hasarın üstündən aşmağa cəhd edib və həyəcan siqnalını işə salıb. Hadisə yerinə gələn Məxfi Xidmət əməkdaşları onu insidentsiz şəkildə saxlayıblar və yerli polisə təhvil veriblər. Ona qarşı şəxsi mülkiyyətə qanunsuz daxil olmaq maddəsi üzrə ittiham irəli sürülüb.
Polisin protokoluna əsasən, kişi "İncili təbliğ etmək" və ABŞ liderinin nəvəsi ilə evlənmək üçün Trampla görüşmək istəyib. Qeyd olunur ki, hadisə baş verən zaman prezidentin özü Vaşinqtonda olub.
Xatırladaq ki, son bir ildə Donald Trampın həyatına iki dəfə sui-qəsd edilib. Birincisi, keçən ilin iyul ayında Pensilvaniya ştatında keçirilən seçkiqabağı mitinqdə baş verib. O zaman snayperin atdığı güllə siyasətçinin qulağına dəyərək yaralamışdı. İkinci dəfə radikal və Ukraynaya yardım tərəfdarı şəxs ötən ilin sentyabrında Mar-a-Laqo iqamətgahı yaxınlığında Trampa atəş açmışdı.
