ABŞ-nin Texas ştatında 60 yaşlı kişi tualetdən istifadə etmək üçün avtomobili ilə qəsdən supermarketə girib.
Oxu.Az "New York Post"a istinadən xəbər verir ki, hadisə mağazanın hələ açılmadığı səhər saatlarında baş verib.
Məlumata görə, kişi supermarketin qapılarının bağlı olmasına əsəbiləşib və avtomobili birbaşa mağazanın girişinə doğru sürüb.
Avtomobil şüşə qapıları sındıraraq binanın içərisinə daxil olub. Nəticədə girişdəki şüşə konstruksiyalara və metal çərçivələrə ciddi ziyan dəyib.
Polis hadisə yerindən avtomobilin mağazanın içərisində, sınmış şüşələrin arasında göründüyü fotoları yayıb.
"Bəzən, doğrudan da, çox ehtiyacın olur, amma yenə də açıq mağaza tapmağı məsləhət görürük", - deyə polis sosial şəbəkələrdə zarafatla bildirib.
Kişi saxlanılıb. Ona əmlaka qəsdən zərər vurma ittihamı irəli sürülüb.
