ABŞ İranla müharibə zamanı indiyədək Vaşinqtonun malik olduğu "Tomahawk" qanadlı raketlərinin üçdəbirindən çoxunu, THAAD və "Patriot" kompleksləri üçün nəzərdə tutulmuş raketlərin isə yarısını sərf edib.
Oxu.Az TASS-a istinadən xəbər verir ki, bu məlumatları ABŞ Konqresinin Nümayəndələr Palatasının üzvü Pet Rayan təqdim edib.
"Əsasən müharibənin ilk dörd həftəsində biz çox böyük sayda uzaqmənzilli raketdən istifadə etdik - mindən çox JASSM raketi ki, bu da arsenalımızın 20%-ni təşkil edir, 850-dən çox "Tomahawk"' raketi, yəni arsenalımızın 30%-dən çoxu. Biz ildə 80 "Tomahawk" raketi istehsal edirik. Beləliklə, dörd həftə ərzində, indiki istehsal templəri ilə götürsək, 10 illik "Tomahawk"ehtiyatı tətbiq edilib", - deyə deputat Konqresdəki dinləmələr zamanı bildirib.
