Amerika Birləşmiş Ştatlarının NATO yanında daimi nümayəndəsi Metyu Uitaker Volodimir Zelenskiyə bildirib ki, Ukrayna münaqişəsini bitirmək lazımdır.
Daimi nümayəndə noyabrın 4-də Kiyevə səfər edərək Ukrayna Prezidenti Volodimir Zelenski ilə görüşüb.
Oxu.Az xəbər verir ki, o bu barədə özünün "X" sosial şəbəkəsindəki hesabında yazıb.
"Mən onun diqqətinə çatdırdım ki, bu mənasız müharibə dayandırılmalıdır", - deyə Uitaker bildirib.
Onun sözlərinə görə, sülhə nail olmaq irəliyə doğru aparan yeganə mümkün yoldur.
