ABŞ-nin Nümayəndələr Palatasında konqresmenlərin əksəri mərhum maliyyəçi Cefri Epşteynə qarşı aparılan araşdırma sənədlərinin dərc edilməsini dəstəkləyib.
Oxu.Az bu barədə "Yevropeyskaya pravda" nəşrinə istinadən xəbər verir.
Nümayəndələr Palatasında qəbul edilən qanun layihəsi seksual xarakterli cinayətlərə görə məhkum edilmiş Epşteynə qarşı araşdırmanın bütün materiallarını dərc etməyi ABŞ Ədliyyə Nazirliyinin öhdəsinə qoyur.
İndi sənəd Senata göndəriləcək.
Xatırladaq ki, Epşteyn 2019-cu ildə azyaşlı qızların cinsi istismarı ilə bağlı saxlanılmış, bir neçə ay sonra isə Nyu-York həbsxanasında intihar etmişdi. Onun dostları arasında siyasətçilər, iş adamları və şou-biznes ulduzları olublar.
