ABŞ-nin Suriyanın şərqindəki Deyr-əz-Zor əyalətinə gecə endirdiyi zərbələr nəticəsində qruplaşma lideri də daxil olmaqla, ən azı beş İŞİD üzvü məhv edilib.
Oxu.Az-ın "Əl-Ərəbiyyə" nəşrinə istinadən xəbərinə görə, bu barədə Suriya İnsan Hüquqları Rəsədxanasından məlumat verilib.
Məlumata görə, məhv edilmiş qruplaşma bu ərazidə pilotsuz uçuş aparatlarının (PUA - dron) istismarına cavabdeh idi.
Daha əvvəl ABŞ Mərkəzi Komandanlığı Suriyada 70-dən çox hədəfə zərbə endirdiyini açıqlamışdı.
Pentaqon Suriyada 70-dən çox İŞİD obyektinə endirilən zərbələrin görüntülərini yayımlayıb.
Bu barədə Oxu.Az "RT" "Telegram" kanalına istinadən xəbər verir.
ABŞ Mərkəzi Komandanlığı bildirib ki, ABŞ və İordaniya qüvvələri 100-dən çox yüksək dəqiqlikli sursatlardan istifadə ediblər.
ABŞ "Hawkeye Strike" əməliyyatı çərçivəsində Suriyada "İslam dövləti" (İŞİD) mövqelərinə zərbələr endirib.
Oxu.Az-ın məlumatına görə, bu barədə Pentaqon rəhbəri Pit Heqset bildirib.
Əməliyyat dekabrın 13-də Palmira rayonunda Suriya-Amerika patrul xidmətinə qarşı törədilmiş hücuma cavab olub. Hücum zamanı üç nəfər - iki əsgər və bir tərcüməçi həlak olub. Birləşmiş Ştatların məqsədi İŞİD döyüşçülərini, infrastrukturunu və silah anbarlarını məhv etmək olub.
