Almaniya bütün ukraynalı qaçqınları ölkədən qova bilər

Bavariyanın Landtaqında (regional parlament) "Almaniya üçün Alternativ" (AfD) fraksiyasının rəhbəri Katrin Ebner-Ştayner bütün ukraynalı qaçqınların Almaniyadan dərhal çıxarılmasının tərəfdarı olduğunu bildirib.

Oxu.Az xəbər verir ki, bu barədə "Süddeutsche Zeitung" qəzeti yazıb.

Ebner-Ştayner ölkənin "inteqrasiya etmək istəməyən rifah axtaranlar ilə dolmaması üçün hərtərəfli remiqrasiya"ya çağırır. Bu, bütün cinayətkarların və qeyri-rezident əcnəbilərin deportasiyası deməkdir.

Onun sözlərinə görə, bütün ukraynalı qaçqınlar Almaniyanı dərhal tərk etməli olacaqlar.

Nəşr qeyd edir ki, hazırda Almaniyada əksəriyyəti qadınlar və uşaqlardan ibarət 1,2 milyon ukraynalı qaçqın var.