Avstraliyanın öz Trampı peyda oldu

Qərbi Avstraliya Parlamenti Yuxarı Palatasının əvvəllər Ben Dokins kimi tanınan parlamentarisi rəsmi olaraq adını Ostin (Aussie - avstraliyalı) Tramp olaraq dəyişdirib.

Oxu.Az-ın məlumatına görə, o bu barədə özünün "X" hesabında bəyan edib.

Aussie imzası ilə paylaşımında deputat bu addımını ştatda hakim Leyborist Partiyasına qarşı siyasi etiraz adlandırıb.

"Mən Qərbi Avstraliyada Leyborist hökumətinin tiranlığına və sistemli korrupsiyasına qarşı siyasi etiraz başlatdım", - deyə o bəyan edib.

Başqa bir paylaşımda o, Prezident Donald Trampın ABŞ-də neft və qaz hasilatını artırmaq planları haqqında sözlərini yenidən ifadə edərək - "Əzizim, leyboristlərə qarşı səs verin və quyu qazın, yenə quyu qazın!" - yazıb.

Qanunvericinin adı parlament saytında artıq Ostin (Aussie) Letts Tramp olaraq yenilənib. O, həmçinin ştatın Doğum, Ölüm və Nikah Reyestrində qanuni ad dəyişikliyini təsdiqləyən fotoşəkil də paylaşıb.

Bundan əlavə, avstraliyalı parlamentari özünü Donald Trampın pərəstişkarı kimi qeyd edib.