Azərbaycanın xarici işlər naziri Ceyhun Bayramov Pakistan baş nazirinin müavini, xarici işlər naziri Məhəmməd İshaq Darla görüşüb.
Oxu.Az xəbər verir ki, bu barədə Azərbaycan Xarici İşlər Nazirliyinin "X" hesabında məlumat verilib.
Görüş BMT Baş Assambleyasının 81-ci sessiyası çərçivəsində keçirilib.
Nazirlər Azərbaycan və Pakistan arasında strateji tərəfdaşlığı, iki ölkə arasında mühüm siyasi dialoqu müzakirə ediblər.
Tərəflər beynəlxalq platformalarda milli maraq doğuran məsələlər üzrə qarşılıqlı dəstəyin davam etdirilməsinin vacibliyini vurğulayıblar.
Qeyd edək ki, BMT Baş Assambleyasının 81-ci sessiyası çərçivəsində Ceyhun Bayramov İsveçrə, Banqladeş, Macarıstan, İran, Sinqapur və Kolumbiya XİN rəhbərləri ilə görüşlər keçirib.
Qaynar xətt:
(055) 224 12 12
