Çilidə 19 milyon insan elektrik enerjisi ilə təminatsız qalıb. Belə ki, ölkənin bütün ərazisində elektrik enerjisinin verilişi dayanıb, rabitə, nəqliyyat və ödəniş sistemlərində problemlər yaranıb.
Oxu.Az xəbər verir ki, bu barədə "RİA Novosti" məlumat yayıb.
Çilinin Daxili İşlər Nazirliyi kəsintinin heç bir hücumla əlaqəli olmadığını bildirib.
Hökumət rəsmiləri enerji sisteminin tezliklə bərpa olunacağına ümid etdiklərini vurğulayıblar.
Qeyd edək ki, Cənubi Amerikanın qərb sahillərində yerləşən Çili dünyanın şimaldan cənuba doğru ən uzun məsafəli (4630 km) ölkəsidir.
