Çində iki DNT dəstindən ximera meymunu yaradıblar - FOTO

Çində alimlər iki DNT dəstindən genləri birləşdirərək ilk canlı meymunu yaradıblar.

Verilən məlumata görə, mütəxəssislər krabyeyən makakanın embrionuna bu növün digər fərdlərinin kök hüceyrələrini yeridiblər. Bu zaman genlərin bir hissəsi dəyişdirilib, yad hüceyrələrin aşkar edilməsi üçün isə onlara yaşıl flüoressen zülal yeridilib.

Bu şəkildə dəyişdirilmiş cəmi 40 embrion yetkin dişi makakaların bədənlərinə implantasiya edilib. Onlardan 12-sində hamiləlik inkişaf edib, bundan sonra altı canlı meymun doğulub. Onlardan biri ximera olub, yəni hər iki DNT dəstindən hüceyrələr inkişaf edib.

Həmin ximera meymunda, yeridilən kök hüceyrələrin nəsilləri beyin toxumasının 92%-ni və bütün bədənin 67%-ni təşkil edib. Ancaq on gün sonra balanın tənəffüs çatışmazlığı və hipotermiya inkişaf edib, bu səbəbdən ona evtanaziya edilib.

Buna baxmayaraq, bu hadisə elm tarixində ximera primatının yetişdirilməsi üzrə ilk uğurlu təcrübə olub. Əvvəllər alimlər yalnız gəmiricilərdən ximeralar yarada biliblər.

Alimlər qeyd ediblər ki, onların tədqiqatları neyrodegenerativ xəstəliklərin modelləşdirilməsinə və onların gen mühəndisliyi vasitəsilə müalicəsinin tapılmasına, eləcə də nəsli kəsilməkdə olan növlərin qorunmasına kömək edə bilər.

Mənbə: ren.tv