Ərzurumda FACİƏ: Qar altında qalan 16 yaşlı cüdoçu həyatını itirdi

Türkiyənin Ərzurum vilayətində yerləşən Palandökən dağında baş verən faciə zamanı qarın altında qalaraq xəstəxanaya yerləşdirilən 16 yaşlı cüdoçu Emre Yazqan həyatını itirib.

Oxu.Az xəbər verir ki, bu barədə Türkiyə Səhiyyə Nazirliyi şəxsi "X" sosial şəbəkə hesabından paylaşım edib.

15:10

Türkiyənin Ərzurum vilayətində yerləşən Palandökən dağında baş verən faciə zamanı həyatını itirdiyi bildirilən türkiyəli cüdoçu Emre Yazqan ilə bağlı yeni detal məlum olub.

Ərzurum Şəhər Xəstəxanasından Oxu.Az-a verilən məlumata görə, Emre Yazqan hazırda reanimasiyadadır.

"Emre Yazqan hazırda reanimasiyadadır. Hazırda vəziyyəti ağırdır. Digər məlumatlar isə Türkiyənin Səhiyyə Nazirliyi tərəfindən veriləcək".

Anar Həsənov

13:56

Türkiyənin Ərzurum vilayətində yerləşən Palandökən dağında faciə baş verib. Məşq edən idmançılar qar uçqununun altında qalıblar.

Oxu.Az-ın TRT-yə istinadla verdiyi məlumata görə, bu barədə vali Mustafa Çiftçi xəbər verib.

O, çovğun altında qalan idmançıların çıxarıldığını, lakin təəssüf ki, 16 yaşlı gəncin həyatını itirdiyini açıqlayıb.

"Üç idmançı öz səyləri ilə çıxıb. Daha bir idmançımız - 16 yaşlı gənc xilasedicilərin köməyi ilə sağ çıxarılsa da, müdaxilələrə baxmayaraq, xilas etmək mümkün olmayıb. Başımız sağ olsun. 15 idmançı və bir məşqçi ilə birlikdə ümumilikdə 16 nəfər olublar. Üç yaralımızın vəziyyəti yaxşıdır, bir problem yoxdur", - deyə o bildirib.

Vilayətin Fövqəladə Hallar İdarəsinin rəisi Selahattin Karslı idmançıların icazəsiz olaraq çox dik ərazidə məşq etdikləri üçün uçquna düşdüklərini qeyd edib.

Məlumata görə, hazırda axtarış-xilasetmə əməliyyatları başa çatıb.

Ərzurumda FACİƏ: Qar altında qalan 16 yaşlı cüdoçu həyatını itirdi