Qətər HƏMAS-İsrail razılaşmasının qüvvəyə minəcəyi tarixi AÇIQLADI

Qətərin baş naziri bildirib ki, HƏMAS və İsrail Qəzza zolağında girovların azad edilməsi və atəşkəsin yaradılması barədə razılığa gəliblər. Onun sözlərinə görə, Qəzza zolağında atəşkəs razılaşması yanvarın 19-dan qüvvəyə minəcək.

Oxu.Az bu barədə TASS-a istinadən xəbər verir.

Razılaşmanın birinci mərhələsi 42 gün davam edəcək və bu müddət ərzində növbəti mərhələnin şərtləri müəyyənləşəcək.

Qətərin baş naziri, həmçinin, HƏMAS-ın İsraillə razılaşmanın birinci mərhələsində 33 girovu azad edəcəyini təsdiqləyib. Vasitəçilər İsrail qoşunlarının Qəzza zolağından tam çıxarılmasını təmin etmək üçün danışıqların davam etdirilməsini təminatçısı kimi çıxış edirlər.

Qətər HƏMAS-İsrail razılaşmasının qüvvəyə minəcəyi tarixi AÇIQLADI

21:36

Fələstin mənbələri İsrail-Fələstin münaqişəsində kritik qərarın verildiyini və HƏMAS-ın atəşkəs razılaşmasını qəbul etdiyini açıqlayıb.

Oxu.Az "Haber Global"a istinadən məlumat verir ki, HƏMAS İsrail ordusunun Qəzzanın şəhər mərkəzindən çıxarılmasını nəzərdə tutan xəritəni aldıqdan sonra saziş layihəsinə müsbət cavab verib.

İsrailin təhlükəsizlik kabineti və hökuməti bu gün Qəzzada atəşkəs və əsir mübadiləsi razılaşmasını səsverməyə çıxaracaq.

Məlumata görə, iclasa hazırlıq görülərkən bəzi nazirlərin tədbirləri ləğv edilib.

HƏMAS rəhbərliyinin də razılaşmaya müsbət cavab verdiyi bildirilir. Fələstinli mənbənin sözlərinə görə, atəşkəs danışıqlarında irəliləyiş əldə olunub və sabah razılaşmanın elan ediləcəyi gözlənilir. Razılaşma elan edildikdən sonra 24-48 saat ərzində atəşkəsin başlayacağı bildirilir.

Razılaşmanın baş tutduğunu "Axios" nəşri də qeyd edir. Bildirilir ki, ilkin mərhələdə 33 israilli girov azad ediləcək. Lakin "Ynet" HƏMAS-ın son anda İsrail üçün qəbuledilməz tələb irəli sürdüyünü yazır.