Filippin sahillərində 6 bal gücündə zəlzələ qeydə alınıb.
Oxu.Az-ın TASS-a istinadən xəbərinə görə, bu barədə Avropa-Aralıq dənizi Seysmoloji Mərkəzindən məlumat verilib.
Məlumata görə, zəlzələnin episentri 380 mindən çox əhalisi olan Kotabato şəhərindən 101 kilometr cənub-qərbdə, ocağı isə 35 kilometr dərinlikdə qeydə alınıb.
Xəsarət alanlar və ya dağıntılar barədə məlumat verilməyib. Sunami təhlükəsi elan edilməyib.
