"Sarı jiletlilər" hərəkatı yanacaq qiymətlərinin artmasına və alıcılıq qabiliyyətinin azalmasına etiraz olaraq Fransada yeni etiraz aksiyaları keçirməyi planlaşdırır.
Oxu.Az-ın TASS-a istinadən xəbərinə görə, bu barədə hərəkatın saytında dərc olunmuş məlumatda bildirilib.
"24 oktyabr - 2-ci akt", - deyə mətndə qeyd edilir.
Təşkilatçılar, həmçinin Fransa Prezidenti Emmanuel Makronun istefasını tələb ediblər.
Xatırladaq ki, oktyabrın 17-də Parisdə və bütün Fransada yanacaq qiymətlərinin artmasına və əhalinin alıcılıq qabiliyyətinin azalmasına qarşı kütləvi nümayişlər keçirilib. Təşkilatçıların qiymətləndirmələrinə görə, aksiyalarda 800 000 nəfər iştirak edib, ölkənin Daxili İşlər Nazirliyi (DİN) isə 550 000 nəfərin aksiyalara qatıldığını bildirib ki, bu da təhlükəsizlik qurumları analitiklərinin proqnozlarını iki dəfə üstələyib. Bir sıra şəhərlərdə etiraz aksiyaları iğtişaşlara və polislə toqquşmalara çevrilib. Daxili İşlər naziri Loran Nunyes vəd edib ki, hakimiyyət orqanları talanlar və soyğunlara qoşulan bütün aksiya iştirakçılarının təqibini davam etdirəcək.
