Güney Azərbaycanda zəvvarları daşıyan avtobus qəzaya uğrayıb: Çox sayda yaralanan var

İranın Qəzvin əyalətində Ərbəin mərasiminə zəvvarları daşıyan avtobus qəzaya uğrayıb.

Bu barədə Oxu.Az "Azad İran" "Telegram" kanalına istinadən xəbər verir.

"Bu gün səhər saatlarında 44 zəvvarı daşıyan avtobus Qəzvin-Rəşt magistralında Kuhin bölgəsində "Nissan" markalı avtomobillə toqquşaraq aşıb. Nəticədə 15 sərnişin yaralanıb", - deyə Qəzvin əyalətinin Yol Polisi İdarəsinin rəisi polkovnik Fərhad Zakeri Məneş bildirib.

Onun sözlərinə görə, dörd nəfər dərhal xəstəxanaya aparılıb, digər zərərçəkənlər isə ambulator müalicə olunublar.