Haniyəyə qarşı sui-qəsddən sonra İsraildə uçuşlar dayandırıldı

Beyrut və Tehrandakı hücumlardan sonra bölgədə yaranan gərginliyə görə İsrailin şimalında uçuşlar ləğv olunub.

Oxu.Az "Haber Global"a istinadən bildirir ki, uçuş qadağası 24 saat ərzində həyata keçiriləcək və bölgədəki yollarda heç bir məhdudiyyət olmayacaq.

Qeyd edək ki, İsrail ordusu ötən gün Livanın paytaxtı Beyruta təşkil etdiyi hava hücumunda "Hizbullah" komandirlərindən Fuad Şükürü öldürdüyünü açıqlayıb.

Bu gün səhər tezdən HƏMAS-ın Siyasi Bürosunun rəhbəri İsmayıl Haniyə İranın paytaxtı Tehranda sui-qəsd nəticəsində öldürülüb.