Yəmənin üsyançı "Ənsar Allah" hərəkatından olan husilərin formalaşdırdığı silahlı qüvvələr Qüdsdəki İsrail hədəflərinə hücum ediblər.
Oxu.Az "Al Masirah" telekanalına istinadən xəbər verir ki, bu barədə hərəkatın hərbi nümayəndəsi Yəhya Saria bildirib.
Onun sözlərinə görə, husilərin raket qüvvələri unikal hərbi əməliyyat keçirib.
Nümayəndə qeyd edib ki, Qüdsdəki bir neçə hədəfə raket hücumu zamanı "Fələstin-2" tipli hipersəsli ballistik raketdən istifadə olunub.
