İndoneziya Prezidenti Prabovo Subianto parlament üzvlərinə verilən və ölkədə genişmiqyaslı etirazların səbəblərindən birinə çevrilmiş əlavə ödəmələri ləğv edərək, etirazçıların tələblərini qəbul edib.
Oxu.Az xəbər verir ki, bu barədə mk.ru məlumat yayıb.
Bildirilir ki, bazar günü dövlət başçısı partiya sədrlərini birgə bəyanat üçün toplayıb.
"Xalqın səmimi tələbləri əsasında Subianto partiya sədrlərindən məlumat alıb. Onlar parlament üzvlərinə qarşı qəti tədbirlər gördüklərini bildiriblər.
Prezident həmçinin parlament üzvlərinin xarici səfərlərinə moratorium qoyub.
Artıq bir həftədir ki, Cakartada çoxminli etiraz aksiyaları keçirilir. Nümayişçilər iş şəraitinin yaxşılaşdırılması, maaşların artırılması və parlamentin buraxılmasını tələb edirlər.
