Polis İstanbulda Almaniyanın baş konsulluğunu əhatəyə alıb.
Oxu.Az “Deutsche Welle” istinadən xəbər verir ki, hüquq-mühafizə orqanı əməkdaşları binaya aparan yolu bağlayıblar və suatan düzüblər.
Tədbirlər konsulluğun qarşısında keçirilən etiraz aksiyası ilə əlaqədar həyata keçirilib. Etiraz aksiyasının iştirakçıları Bundestaqın “erməni soyqırımını” tanıyan qətnaməsinə qarşı çıxış ediblər.
Daha öncə Türkiyə XİN-nin Almaniyanın qondarma “erməni soyqırımı”nı tanıması ilə əlaqədar bu ölkənin Tükiyədəki səfirini nazirliyə çağırılması barədə məlumat yayılıb. Türkiyə, həmçinin Berlindəki səfirini konsultasiya üçün Türkiyəyə geri çağırıb.
İyunun 2-də Almaniya parlamenti qondarma “erməni soyqırımı”nın tanınmasına dair qətnamə qəbul edib. Türkiyə bu qərarı pisləyib. Qətnaməni demək olar ki, bütün parlamentarilər dəstəkləyib, yalnız bir deputat əleyhinə səs verib, bir deputat isə bitərəf qalıb.
