İsveçlə İran arasında diplomatik gərginlik: Səfir XİN-ə çağırıldı

Bu gün İsveçin İrandakı səfiri Matias Otterştedt ölkə rəsmilərinin İrana qarşı səsləndirdiyi açıqlamalara etiraz səbəbi ilə İran Xarici İşlər Nazirliyinə çağırılıb.

"Azad İran" "Telegram" kanalı bu barədə İran KİV-ə istinadən xəbər verib.

Məlumata görə, İran XİN rəsmisi səfirlə görüşdə İsveçin təhsil nazirini İrana qarşı açıqlamalarına görə tənqid edib və bu bəyanatları beynəlxalq hüquq standartlarına və diplomatik qaydalara zidd adlandırıb.

Qeyd edək ki, ötən həftə İsveç Xarici İşlər Nazirliyi İranın bu ölkədəki səfirini çağıraraq, ikili vətəndaşlığı olan və İranda həbsdə saxlanılan güneyli Əhmədrza Cəlalinin humanist səbəblərə görə dərhal azad edilməsini və ona tibbi xidmət göstərilməsini tələb edib. Eyni zamanda, İsveç XİN məhbusun edam hökmünə etiraz edərək, ölüm cəzasının ləğv edilməsini istəyib.