Son PUA insidentlərindən sonra Polşa və Rumıniya Türkiyənin MEROPS (Multispektral Genişmənzilli Optik Görmə) hava müşahidə sistemindən istifadə etməyi planlaşdırır.
Oxu.Az DPA-ya istinadən xəbər verir ki, bu sistemin işlədilməsi üzrə təlimlərin tezliklə başlanması gözlənilir.
NATO tərəfdaşları Türkiyənin hava müşahidə sisteminin qısa müddətdə yerləşdirilməsinə ümid edirlər. Bu istiqamətdə ilk addımların gələn həftənin əvvəlində atılacağı gözlənilir.
Sistem helikopterlərə quraşdırıla bilər. O, buludlar və toz vasitəsilə düşmən sistemlərini aşkar etməyə qadirdir.
