Ukrayna Prezidenti Volodimir Zelenski hərbi idarəetməyə uyğun namizəd tapacağı təqdirdə, ölkənin Silahlı Qüvvələrinin baş komandanı Aleksandr Sırskini vəzifəsindən azad etməyə hazırdır.
Oxu.Az xəbər verir ki, bu barədə "The Financial Times" nəşri məlumat yayıb.
Qəzet mövcud vəziyyəti Zelenskinin prezidentliyi dövründə hərbi rəhbərlikdə yaranmış ən böyük böhran kimi qiymətləndirir.
Bu səbəbdən o, həftəsonu cəbhədəki vəziyyətlə bağlı qiymətləndirmələri dinləmək və yeni ordu komandanı vəzifəsinə namizədlərlə müsahibələr aparmaq üçün hərbi komandirlərlə görüş təşkil edəcək.
"Zelenski 1200 kilometrlik cəbhə xətti boyu möhkəm müdafiəni qoruyub saxlamaqla yanaşı, səlahiyyətlərin problemsiz təhvil verilməsini təmin edəcək yeni komandan taparsa, Sırskini vəzifədən kənarlaşdırmağa hazırdır", - deyə nəşri məlumatlandıran mənbə bildirib.
İddia edilir ki, prezidentin baş komandanı dəyişmək barədə düşünməsinə səbəb olan əsas amil ukraynalıların etirazları olub.
