Kot-d'İvuarda faciə: Sərnişinlər yanaraq can verdilər

Kot-d'İvuarda dəhşətli hadisə baş verib. Belə ki, iki mikroavtobusun qarşı-qarşıya toqquşması nəticəsində 26 nəfər həlak olub. Onlardan onunun yanaraq can verdiyi vurğulanır.

Oxu.Az-ın verdiyi məlumata görə, bu barədə ölkənin Nəqliyyat Nazirliyi xəbər yayıb.

Bildirilir ki, qəza ölkənin cənub-qərbində, Daloa və İsia departamentlərini birləşdirən yolda baş verib.

Qeyd olunur ki, daha 28 nəfər müxtəlif dərəcəli xəsarət alıb və təcili olaraq İsia şəhər xəstəxanasına çatdırılıb.

Nəqliyyat Nazirliyinin nümayəndələri faciənin səbəblərinin araşdırılması üçün hadisə yerinə yollanıblar.