"Ünsiyyət üçün kanallar yaradılsa da, Rusiya və Ukraynanın danışıq qrupları arasında qarşılıqlı fəaliyyətə fasilə verilib".
Oxu.Az-ın TASS-a istinadən xəbərinə görə, bu sözləri jurnalistlərə Rusiya prezidentinin mətbuat katibi Dmitri Peskov Moskva və Kiyevdən olan danışıqçılar arasında təmaslar barədə sualı cavablandırarkən deyib.
"Ünsiyyət kanalları mövcuddur, onlar yaradılıb. Danışıqçılarımızın bu kanallar vasitəsilə əlaqə saxlamaq imkanı var, lakin hələlik, ehtimal ki, pauzanın olduğunu deyə bilərik", - deyə Kreml nümayəndəsi qeyd edib.
