Avtomobili partladılan qondarma “Luqansk xalq respublikası”nın rəhbəri xəstəxanaya yatırılıb.
Oxu.Az Life-a istinadən xəbər verir ki, bu məlumatı Luqansk informasiya mərkəzi təsdiqləyib.
“Respublika başçısı paytaxt xəstəxanalarından birinə yatırılıb”, - məlumatda deyilir.
Daha öncə Plotnitskinin vilayət xəstəxanasına göndərildiyi və həmin xəstəxananın mühasirəyə alındığı barədə məlumat yayılmışdı.
“LXR” Dövlət təhlükəsizliyi nazirliyində partlayış faktı təsdiqlənib.
Əməliyyatçılar hazırda hadisə yerindədirlər.
10:35
Qondarma “Luqansq Xalq Respublikası”nın hüquq-mühafizə orqanlarının məlumatına görə, hadisə zamanı iki adam xəsarət alıb.
Oxu.Az Life.ru-ya istinadən xəbər verir ki, bu barədə yerli KİV məlumat yayıb.
Luqanskda “Luqansq Xalq Respublikası”nın rəhbəri İqor Plotnitskinin avtomobili partladılıb. Yerli polisin məlumatına görə, iki nəfər xəsarət alıb. Partlayış zamanı avtomobilin sahibinin harada olduğu məlum deyil.
Bununla yanaşı sosial şəbəkələrdə İqor Plotnitskinin xəstəxananın travmotologiya şöbəsinə çatdırıldığı barədə məlumat yayılıb. Sosial şəbəkə istifadəçilərinin məlumatına görə, tibb müəssiəsi mühasirəyə alınıb.
