Meksika körfəzində böyük neft platforması yanır.
Oxu.Az ANS-ə istinadən xəbər verir ki, yanğının partlayışdan sonra baş verdiyi bildirilir. Pemex Dövlət neft şirkətinin məlumatına görə, hadisə Kampeçe körfəzində olub.
Yanğın zamanı 45 nəfər zərər çəkib. Yaralılardan biri ölüb. 300 nəfər işçi ərazidən təxliyyə edilib.
Platformada yanğının aradan qaldırılması üçün səkkiz gəmi hadisə yerində çalışır.
Kampeçe sahilində yerləşən Abkatun platforması Pemex şirkətinə işləyən şəxsi podratçıya aiddir. Kompleksin ərazisində bu regionun başqa neft platformalarında çalışan işçilər üçün yataqxana yerləşir.
