"Meta" korporasiyası öz platformalarında "Russia Today" media qrupu və onunla əlaqəli təşkilatların hesablarını bloklayıb.
Oxu.Az bu barədə Gazeta.ru-ya istinadən xəbər verir.
"Diqqətli nəzərdən keçirmədən sonra biz Rusiya dövlət KİV-lərinə qarşı mövcud tədbirləri genişləndirdik", - deyə "Meta"nın nümayəndəsi bildirib və qeyd edib ki, xarici müdaxilə cəhdləri səbəbindən hesablar şirkətin tətbiqlərində bütün dünyada əlçatmazdır.
Qərar ABŞ-nin "Russia Today" media qrupunun rəhbəri, teleaparıcı Dmitri Kiselyova qarşı sanksiyalar tətbiq etməsindən və onlarla bütün maliyyə əməliyyatlarını 13 noyabra qədər başa çatdırmağı tələb etməsindən qısa müddət sonra elan edilib. Məhdudiyyətlər həmçinin RT, baş redaktor Marqarita Simonyan və bir neçə top menecerə də şamil edilib. Bunun səbəbi ABŞ auditoriyası arasında Rusiya hökumətinin gizli mesajları olan məzmun yaratmaq və yaymaqda iştirak etmələri idi.
Xatırladaq ki, "Meta" şirkətinə "Facebook" və "Instagram" sosial şəbəkələri, "Threads" tətbiqi və "WhatsApp" mesajlaşma xidməti məxsusdur.
Rəylər