"Prezidentin köməkçisi Vladimir Medinskinin başçılıq etdiyi Rusiya nümayəndə heyəti iyunun 2-də İstanbulda böhranın əsas səbəblərini aradan qaldırmağın bütün aspektlərinə dair memorandumu Ukraynaya təqdim etməyə hazırdır".
Oxu.Az xəbər verir ki, bu barədə Rusiyanın xarici işlər naziri Sergey Lavrovun qurumun saytında dərc edilmiş bəyanatında deyilir.
"Rusiya tərəfi, razılaşdırıldığı kimi, böhranın köklü səbəblərini etibarlı şəkildə aradan qaldırmağın bütün aspektləri üzrə mövqeyimizi əks etdirən müvafiq memorandum hazırlayıb. Vladimir Medinskinin başçılıq etdiyi nümayəndə heyətimiz bu memorandumu Ukrayna nümayəndə heyətinə təqdim etməyə və növbəti raundda lazımi izahatları verməyə hazırdır", - sənəddə bildirilir.
