Ən son xəbərləri bizim "WhatsApp" kanalımızda izləyin

Pakistanda kömür mədəninə silahlı hücum: Çox sayda ölən var
Pakistanın cənub-qərbindəki Bəlucistan əyalətində terror aktı baş verib.
Bu barədə Oxu.Az Associated Press-ə istinadən xəbər verir.
Məlumata görə, naməlum silahlılar kömür mədəninə silahlı hücum ediblər.
Nəticədə 20 nəfər ölüb, daha 7 nəfər yaralanıb. Ölənlər arasında mədəndə işləyən qonşu Əfqanıstan vətəndaşları da var.
Bildirilir ki, faciə oktyabrın 10-da axşam saatlarında terrorçular mədən ərazisinə basqın edib və bir yerə toplaşan mədənçiləri soyuqqanlılıqla güllələyiblər.
Hələlik regionda fəaliyyət göstərən ekstremist qrupların heç biri bu vəhşi cinayətə görə məsuliyyəti öz üzərinə götürməyib.
Maraqlıdır ki, mədəndə törədilən qanlı terror aktı Pakistanın paytaxtında böyük təhlükəsizlik sammitinin keçirilməsinə bir neçə gün qalmış baş verib.
"Pakistan" teqi üzrə xəbərlər
- Pakistan prezidenti təcili xəstəxanaya yerləşdirildi
- İmran Xan ikinci dəfə Nobel Sülh Mükafatına namizəd göstərildi
- Pakistanın Azərbaycandakı səfiri: "Qarşımızda dayanan heç bir çətinlik keçilməz deyil"
- Pakistan səfiri Azərbaycana başsağlığı verib
- Pakistanda hərbi kolona hücum: Ölənlər və yaralılar var