Rusiyada qorxunc hadisə: Supermarketdə tavan satıcıların və müştərilərin başına uçdu

Rusiyanın Sankt-Peterburq şəhərində yerləşən supermarketlərdən birində tavanın çökməsi nəticəsində satıcılar və müştərilər təhlükə ilə üzləşiblər.

Oxu.Az xəbər verir ki, bu barədə "112" "Telegram" kanalı məlumat yayıb.

Bildirilib ki, birinci və ikinci mərtəbələr arasındakı tavan qəfil insanların və məhsullarla dolu rəflərin üzərinə aşıb. Hadisə zamanı mağazada olanların əksəriyyəti xəsarət almasa da, bir işçi dağıntıların altında qalıb. O, xilas edilib və demək olar ki, heç bir ciddi xəsarət almayıb.

İlkin ehtimallara görə, çökməyə səbəb yuxarı mərtəbədə aparılan təmir işləri olub.

Faktla bağlı araşdırma aparılır.