Rusiyanın Leninqrad vilayətində 57 yaşlı kişi 12 yaşlı nəvəsini cinsi istismar etməkdə şübhəli bilinərək həbs edilib.
Oxu.Az xəbər verir ki, məlumatı Gazeta.ru yayıb.
Hadisə Qatçina şəhərində baş verib. Yerli sakin öz nəvəsinə qarşı zorakı xarakterli cinsi əməllər törətməkdə günahlandırılır.
İlkin məlumata görə, kişi həyat yoldaşının (qızın nənəsinin) evdə olmadığı vaxtlardan istifadə edərək, uşağın 10 yaşı olandan etibarən onu zorlamağa başlayıb.
Məktəbli qız iki il boyunca baş verənləri böyüklərə danışmağa cəsarət etməyib. Daha bir zorlamadan sonra o, "etimad telefonu" xidmətinə müraciət edib. Uşağı dinləyən psixoloq hadisə haqqında hüquq-mühafizə orqanlarına məlumat verib.
Şübhəli baba saxlanılıb. Əgər kişinin günahı sübuta yetirilsə, ona 20 ilə qədər azadlıqdan məhrumetmə cəzası verilə bilər.
