Tramp Putinlə görüşə bilər: Hazırlıqlar aparılır

ABŞ-nin yeni seçilmiş Prezidenti Donald Tramp Rusiya lideri Vladimir Putinlə danışıqlara hazırlaşır.

Oxu.Az xəbər verir ki, bu barədə Trampın milli təhlükəsizlik üzrə müşaviri Mayk Uoltz "ABC News"un efirində deyib.

"Hazırlıq artıq gedir. Trampla Putin arasında telefon danışığı yaxın günlərdə və ya həftələrdə baş tuta bilər", - deyə Donald Trampın milli təhlükəsizlik üzrə müşaviri bildirib.

Qeyd edək ki, daha əvvəl yeni seçilmiş prezident Putinlə görüşə biləcəyini dəfələrlə ifadə edib. Ötən ilin sonunda Rusiya prezidenti də Trampla görüşə hazır olduğunu bildirmişdi.