Rusiya ilə Ukrayna arasında əsir mübadiləsi baş tutub.
Oxu.Az bu barədə Rusiya KİV-ə istinadən məlumat yayıb.
Belə ki, mayın 16-da İstanbulda əldə olunmuş Rusiya-Ukrayna razılaşmalarına əsasən, 270 Rusiya hərbçisi, o cümlədən Ukrayna Silahlı Qüvvələri tərəfindən əsir götürülmüş Kursk vilayətindən olan mülki şəxslər də daxil olmaqla 120 mülki şəxs Rusiyaya geri qaytarılıb.
Bunun müqabilində Ukrayna Silahlı Qüvvələrinin 270 hərbi əsiri və 120 mülki şəxsi Kiyevə təhvil verilib.
ABŞ Prezidenti Donald Tramp Ukrayna və Rusiya arasında böyük əsir mübadiləsinin başa çatması ilə bağlı bəyanat yayıb.
Oxu.Az xəbər verir ki, Birləşmiş Ştatlar prezidenti bu barədə "Truth Social" hesabında yazıb.
"Rusiya və Ukrayna arasında böyük əsir mübadiləsi yenicə başa çatdı. Bu razılaşma ilə əlaqədar hər iki tərəfi təbrik edirəm. Bu, nə isə böyük bir prosesin başlanğıcı ola bilərmi?" - Birləşmiş Ştatlar lideri qeyd edib.
Lakin Ukrayna mənbələri sözügedən məlumatı təkzib edərək əsir mübadiləsi prosesinin hələ də davam etdiyini bildirirlər. Məlumatda qeyd olunur ki, Belarus-Ukrayna sərhədində proses hələ də davam edir və yekun nəticələr hələlik açıqlanmayıb.
