Türkiyədə hotel faciəsi ilə bağlı iki məmur HƏBS EDİLDİ

Kartalkaya xizək kurortunda 76 nəfərin ölümü ilə nəticələnən hotel yanğınından sonra Bolu bələdiyyə sədrinin müavini və yerli yanğınsöndürmə idarəsinin rəis müavini saxlanılıblar.

Oxu.Az xəbər verir ki, bu barədə "Haber Global" telekanalı məlumat yayıb.

Televiziya şirkətinin məlumatına görə, həbs yanğınla bağlı aparılan istintaq çərçivəsində həyata keçirilib.

Daha əvvəl iş üzrə hotelin sahibi də daxil olmaqla 9 nəfər saxlanılıb.

Xatırladaq ki, istirahət mərkəzində yanğın yanvarın 21-nə keçən gecə baş verib. Yanğın zamanı hoteldə ümumilikdə 238 qonaq olub. Yanvarın 22-də Türkiyədə milli matəm elan edilib.