Səudiyyə Ərəbistanının vəliəhd şahzadəsi Məhəmməd bin Salman Ağ evlə telefon söhbəti zamanı qətlə yetirilən jurnalist Camal Kaşıkçınını “təhlükəli islamçı” kimi xarakterizə edib.
Oxu.Az xəbər verir ki, bu barədə The Washington Post qəzeti yazıb.
Bildirilir ki, bu sözlər Donald Trampın kürəkəni Cared Kuşner və prezidentin milli təhlükəsizlik üzrə müşaviri Con Boltonla söhbət zamanı deyilib.
Səudiyyəli şahzadə Qaşıqçını “Müsəlman qardaşları” qruplaşmasının tərəfdarı adlandırıb.
Bununla da o, Vaşinqtonu Ər-Riyadla yaxın münasibətləri qoruyub saxlanılmasının vacibliyinə inandırmağa çalışıb.
Jurnalistin ailəsi isə C. Kaşıkçının “Müsəlman qardaşları” ilə əlaqəsini inkar edib.
