"X" sosial şəbəkəsinin işində problem yaranıb

ABŞ-də 55 mindən çox istifadəçi "X" sosial şəbəkəsi ilə bağlı problemlər olduğunu bildirib.

Oxu.Az xəbər verir ki, bu məlumatı məşhur internet resurslarının işini izləyən "Downdetector" portalı yayıb.

Məlumata görə, istifadəçilərin 85%-i proqramda nasazlıqlar müşahidə edib, 11%-i serverə qoşula bilməyib, 4%-i isə sayta daxil olmaqda çətinlik çəkib.

Bildirilir ki, platforma ilə bağlı problemlər Böyük Britaniya, Almaniya, Fransa, Yaponiya, İspaniya və digər ölkələrdə də qeydə alınıb.