Şayba ilə xokkey üzrə növbəti Dünya Kuboku 2020-ci ildə keçiriləcək.
Oxu.Az xəbər verir ki, bu barədə Milli Xokkey Liqasının Oyunçuları Assosiasiyasının prezidenti Donald Fer bəyan edib. Onun sözlərini ESPN sitat gətirib.
“Oyunçular və azarkeşlər ötən turniri çox müsbət qiymətləndirdilər. Xokkeyçilər yarışların formatını və səviyyəsini, hər şeyin eyni yerdə baş verdiyini, heç bir yerə getməyin lazım olmadığını çox bəyəndilər. Nəyi təkmilləşdirə biləcəyimiz barəsində düşünməliyik. Əgər ekstraordinar bir şey baş verməsə, növbəti turniri 2020-ci ildə keçirəcəyik”, - Fer deyib.
O, həmçinin dünya kubokunun və olimpiya xokkey turnirinin eyni zamanda mövcudluğunun mümkünlüyünə əminlik bildirib.
Dünya kuboku-2016 Torontoda keçirilib və Kanada yığmasının qələbəsi ilə başa çatıb. Finalda ev sahibləri iki dəfə Avropa yığmasına (3:1 və 2:1) qalib gəliblər.
N.O.
