"Yuventus"un baş məşqçisi türkiyəli istedad haqqında yüksək fikirlər səsləndirib

"Yuventus"un baş məşqçisi İqor Tudor komandanın türkiyəli futbolçusu Kenan Yıldız haqqında yüksək fikirlər səsləndirib.

Oxu.Az xəbər verir ki, xorvatiyalı mütəxəssisin fikirlərini FIFA-nın Mətbuat Xidməti dərc edib.

İ.Tudor vurğulayıb ki, 20 yaşlı hücumameyilli yarımmüdafiəçinin gələcəyi böyük ölçüdə onun özündən asılıdır.

"Onun nadir bacarığı - möhtəşəm mentaliteti var. O, bir yarımmüdafiəçi kim çox cəlddir və əla texniki bacarıqlara malikdir. O, qızıl oğlandır", - deyə İ.Tudor bildirib.