Ukrayna Prezidenti Vladimir Zelenski yanvarın 30-da 2026-cı il tarixli Ukrayna üçün təhlükəsizlik zəmanətləri haqqında fərman imzalayıb.
Oxu.Az xəbər verir ki, Ukrayna üçün təhlükəsizlik zəmanətləri haqqında sənəd prezidentin rəsmi saytında dərc olunub və dərhal qüvvəyə minib.
Fərmanın icrasına nəzarət Milli Təhlükəsizlik və Müdafiə Şurasının katibi Rustem Umerov tərəfindən həyata keçiriləcək. Ukrayna xarici işlər nazirliyi və müdafiə nazirliyi ölkənin təhlükəsizlik zəmanətləri ilə bağlı beynəlxalq müqavilələri, layihələri hazırlayıb prezidentə təqdim edəcək.
Qərar ABŞ və digər beynəlxalq tərəfdaşlarla, həmçinin Rusiyanın nümayəndələri ilə danışıqlar aparıldıqdan sonra qəbul edilib. Rusiya prezidentinin mətbuat katibi Dmitri Peskov bildirib ki, ABŞ-nin iştirakı ilə üçtərəfli danışıqların son mərhələsi fevralın 4 və 5-də baş tutub, növbəti mərhələ tezliklə keçiriləcək.
Zelenski isə sənədlərin hazır olduğunu açıqlayaraq bildirib:
"Təhlükəsizliyə və sülhə alternativ yoxdur. Etibarlı təhlükəsizlik zəmanətləri sülhün yeganə real yoludur".
