Maliyyə dəstəyi əldə etmək istəyənlərin DİQQƏTİNƏ: Sahələr sığortalanmalıdır - QİYMƏTLƏR
Maliyyə dəstəyi əldə etmək istəyənlərin DİQQƏTİNƏ: Sahələr sığortalanmalıdır - QİYMƏTLƏR
Azərbaycanda payızlıq əkinlərin fermerlər tərəfindən bəyan edilməsi prosesinə başlanılıb.
Aqrar Sığorta Fondundan Oxu.Az-a verilən məlumata əsasən, bu ildən etibarən yeddi bitki növü üzrə əkin subsidiyaları əkin sahəsinin aqrar sığorta edilməsi şərti ilə veriləcək.
10 hektardan artıq buğda və arpa sahələri üzrə subsidiya alınması üçün fermerlər bu sahələri sığorta etdirməlidirlər. Təqribən 1200 manatlıq məhsul yığılan bir hektar taxıl sahəsini yanğından, doludan və digər hadisələrdən qorumaq üçün sığorta haqları aşağıdakı kimidir:
Qarabağ regionu - 10 manat
Şərqi Zəngəzur regionu - 10 manat
Şəki-Zaqatalada - 16-17 manat
Lənkəran-Astara region - 7 manat
Qazax-Tovuz ərazisi - 24-25 manat
Mərkəzi Aran rayonları - 8 manat
Quba-Xaçmaz bölgəsi - 7 manat
Mil-Muğan regionunda - 8 manat
Abşeron-Xızı bölgəsində - 7 manat
Gəncə-Daşkəsən regionunda - 24-25 manat
Şirvan–Salyan zonasında - 8 manat
Dağlıq Şirvan bölgəsində - 11-12 manat
Bakıda - 7 manat.
Qeyd edək ki, fermer sığorta haqqının yalnız 50 faizi ödəyəcək, məbləğin qalan 50 faizi fermerlərə dəstək üçün dövlət ödəyəcək.