Gəncədə "Chevrolet" markalı avtomobil yanıb.
Oxu.Az-ın məlumatına görə, hadisə şəhər ərazisində fəaliyyət göstərən şadlıq saraylarından birinin yaxınlığında qeydə alınıb.
Belə ki, vətəndaşa məxsus "Chevrolet" markalı avtomobil anidən alışıb. Nəticədə avtomobilin salonu və mühərrik hissəsi yanıb.
Yanğın hadisə yerinə cəlb edilən Fövqəladə Hallar Nazirliyinin Gəncə Şəhər Yanğından Mühafizə İdarəsinin yanğınsöndürmə briqadasının əməkdaşları tərəfindən söndürülüb.
Hadisə nəticəsində xəsarət alan olmayıb.
Yanğının başvermə səbəbləri araşdırılır.
Yusuf Məmmədli
Qaynar xətt:
(055) 224 12 12
